"Barselona" himoyachisi Serjino Dest jamoani tark etishga yaqin turibdi, deya xabar beradi Relevo.

Manbaga ko'ra, 22 yoshli amerikalik futbolchini o'z safiga qo'shib olish uchun PSVda eng yaxshi imkoniyat bor. Qolaversa, so'nggi soatlarda futbolchi uchun kurashga "Nitstsa" ham qo'shildi.

Dest “Barselona” safida 2020 yildan buyon to'p tepadi. O'tgan mavsumda himoyachi "Milan"da ijara asosida o'ynadi. U Italiya klubi safida 14 ta o'yin o'tkazib, gol urmagan.

Destning "Barselona" bilan shartnomasi 2025 yilgacha mo'ljallangan.