"Barselona" yarim himoyachisi Pedri jamoadoshlari bilan munosabatlari haqidagi savolga javob berdi.

20 yoshli ispaniyalik futbolchi jamoada u bilan aloqada bo'lish qiyin bo'lgan futbolchi borligini tan oldi: “Jamoadoshlarimdan qaysi biri bilan kam muloqot qilaman? Men "Barselona"da hamma bilan yaxshi munosabatdaman, lekin mening eng kam aloqam Serjino Dest bilan. Gap shundaki, u ispan tilida kam gapiradi, men esa ingliz tilida kam gaplashaman ”, - deydi Pedri.

Serjino Dest 2020 yilda "Ayaks"dan "Barselona"ga o'tgan edi. O'tgan mavsumda amerikalik futbolchi "Milan"da ijara asosida o'ynagandi. Ko'plab mish-mishlarga ko'ra, Kataloniya klubi transfer oynasi yopilguniga qadar 22 yoshli lateral bilan xayrlashishga tayyor.