"Barselona" markaziy himoyachisi Erik Garsiya transfer oynasi oxirigacha jamoasini tark etishni istamayapti. Jurnalist Gabriel Sansning so'zlariga ko'ra, ispaniyalik futbolchi jamoada baxtli va boshqa jamoada o'ynash uchun ketmoqchi emas.

Oldinroq "Barselona" Garsiyadan qutulmoqchi ekanligi haqida xabar berilgandi, biroq manba bu ma'lumotni inkor qilgandi. Futbolchining o'zi kerakli miqdordagi o'yin amaliyotiga ega bo'lmayapti, ammo shunga qaramay u qolishga va asosiy tarkibdan joy uchun kurashishga tayyor.

Garsiya 2021 yilning yozida "Manchester Siti"dan "Barselona"ga o'tgan edi. O'tgan mavsumda Erik ba'zan markaziy yarim himoyachi pozitsiyasida o'ynadi.