Madridning “Atletiko” klubi bosh murabbiyi Diego Simeone jamoasi Ispaniya La Ligasining eng kuchlilari qatorida ekanligiga ishonmayapti. Argentinalik mutaxassis “matraschilar” “Barselona” va “Real”dan sezilarli darajada past ekanligini aniq aytdi.

"Barselona" va "Real Madrid" – La Liganing eng kuchli jamoalari. Ular qolganlardan yaxshiroq. Biz bu klublar muammolarga duch kelganda tayyor bo'lish uchun harakat qilyapmiz", - dedi Simeone matbuot anjumanida.

Ispaniya chempionatining dastlabki uch turida “Atletiko Madrid” 7 ochko jamg'arib, turnir jadvalida ikkinchi o'rinda bormoqda.