«Los-Anjeles» markaziy himoyachisi Mamadu Fall «Barselona»ning transfer maqsadiga aylandi.

20 yoshli futbolchi bo'yicha faol muzokaralarni «Vilyarreal» olib borgandi, biroq kataloniyaliklar bu ishga aralashdi va vaziyat tubdan o'zgardi, deya xabar beradi jurnalist Toni Xuanmarti.

«Barselona» senegallik futbolchini yozgi transfer oynasining so'nggi soatlarida sotib olmoqchi, uning narxi 2 million evroga baholanmoqda.

2022 yildan 2023 yilgacha Mamadu Fall «Vilyarreal»da ijara asosida o'ynagan, biroq asosiy jamoa tarkibida bor-yo'g'i ikkita o'yin o'tkazib, asosan dublda tajriba orttirgan. «Los-Anjeles» uchun 42 o'yinda markaziy himoyachi 6 ta gol urdi.