Chorshanba oqshomida Chempionlar ligasi guruh bosqichining so'nggi ishtirokchilari aniqlandi: PSV, “Antverpen” va “Kopengagen. Ular seshanba kuni saralashdan muvaffaqiyatli o'tgan "Braga", "Galatasaroy" va "Yang Boyz"ga qo'shilishdi.

2023/24 yilgi Chempionlar ligasi guruh bosqichidagi jamoalarning yakuniy ro'yxati shunday ko'rinish oldi.

1-savatcha: “Manchester Siti”, “Sevilya”, “Barselona”, “Napoli”, “Bavariya”, “PSJ”, “Benfika”, “Feyenoord”.

2-savatcha: “Real Madrid”, “Manchester Yunayted”, “Inter”, “Borussiya Dortmund”, “Atletiko Madrid”, “RB Leyptsig”, “Portu”, “Arsenal”.

3-savatcha: “Shaxtyor”, “Red Bull Zaltsburg”, “Milan”, “Braga”, PSV, “Latsio”, “Srvena Zvezda”, “Kopengagen”.

4-savatcha: “Yang Boyz”, “Real Sosedad”, “Galatasaroy”, “Seltik”, “Nyukasl”, “Union Berlin”, “Antverpen”, “Lans”.

“Real Madrid”, “Manchester Yunayted” va “Inter” ikkinchi savatchada. Nega bunday bo'ldi?

Birinchi savatchaga 8 ta jamoa kiradi: Chempionlar ligasi g'olibi, Evropa ligasi g'olibi va UEFA klublar reytingiga ko'ra eng yaxshi 6 ta milliy assotsiatsiyalar chempionlari.

"Manchester Siti" o'tgan mavsumda ham chempionlikni, ham Chempionlar ligasini qo'lga kiritgani uchun UEFA reytingiga ko'ra ettinchi assotiatsiya hisoblangan Niderlandiya chempioni ham birinchi savatchaga tushdi. Shu bois “Feyenoord” guruh bosqichida “Barselona” va “Napoli” bilan uchrashishdan qochdi.

Qolgan savatchalarni UEFA klublar reytingi belgilaydi. Aytgancha, "Real Madrid" birinchi pog'onadagi ko'pchilik jamoalardan yuqoriroq.Joriy birinchilikda faqat "Manchester Siti" va "Bavariya"da ko'proq ochko bor.

To'rtinchi savatcha ham ancha qiziqarli bo'lib chiqdi.

Birinchidan, "Nyukasl" va "Lans" 20 yildan so'ng guruh bosqichiga qaytishdi.

Ikkinchidan, Chempionlar ligasining ikki debyutanti – Berlinning “Union” va Belgiya chempioni “Antverpen” shu savatchada.

Qur'a qachon bo'ladi?

Bugun, 31 avgust, Toshkent vaqti bilan soat 21:00 da. Ishtirokchilar 4 ta jamoadan iborat 8 ta guruhga bo'linadi.

Marosim Monakoda bo'lib o'tadi. Shuningdek, so'nggi Chempionlar ligasining eng yaxshi o'yinchilari ham mukofotlanadi.

Guruh bosqichi 19 sentyabr kuni boshlanadi.