«Barselona» hujumchisi Ansu Fati «Brayton»ga bir yillik ijara asosida sotib olish huquqisiz qo'shildi. Bu haqda ingliz klubi rasmiy sayti xabar bermoqda.

Joriy mavsumda 20 yoshli Fati «Barselona» tarkibida uchta o'yin o'tkazdi va u bu o'yinlarda samarali harakat qila olmadi.

Transfermarkt portali Ispaniya terma jamoasi futbolchisini 35 million evroga baholamoqda. Avvalroq Fatiga «Sevilya» ham qiziqish bildirgani xabar qilingandi, ammo futbolchining o'zi «Brayton»ni tanlagandi.

Angliya chempionatining joriy mavsumida uch turdan so'ng «chag'alaylar» olti ochko jamg'argan holda turnir jadvalida oltinchi o'rinda bormoqda.