Ispaniya terma jamoasi bosh murabbiyi Luis de la Fuente Gavining jarohati haqida gapirdi.

"Barselona"ning 19 yoshli yarim himoyachisi Ispaniyaning Gruziyaga qarshi o'yinida xochsimon bog'lami yirtilgani sababli mavsumning qolgan qismida maydonga tusha olmaydi.

Ommaviy fikrga ko'ra, de la Fuente yosh futbolchini ahamiyatga ega bo'lmagan o'yinda tushirmasligi kerak edi.

"Men tushunmayman, nega kimdir barcha aybni murabbiyga yuklaydi. Hammamiz bilamizki, futbolchi maydonga tushganda doimo jarohat olish xavfi mavjud.

Mantiqiy hisob-kitoblarga zid bo'lgan holatlar bo'ladi albatta. Albatta, nima bo'lganidan xavotirda edim", - deya «qizil furiya» bosh murabbiyining so'zlaridan iqtibos keltiradi Barca Universal.