"Barselona" darvozaboni Mark-Andre ter Shtegen jamoasining o'tgan mavsumdagi o'yinini yuqori baholadi. Eslatib o'tamiz, Xavi Ernandes shogirdlari 38 uchrashuvda atigi 20 ta gol o'tkazib yuborib, La Liga chempionligini qo'lga kiritdi.

"O'tgan mavsumda yaxshi o'ynadik, raqiblar bizga gol urishi juda qiyin bo'ldi. Darvozani quruq holda saqlash juda muhim edi. Agar siz "Barselona"da o'ynasangiz va raqiblaringizga gol urishiga yo'l qo'ymasangiz, bu sizga xotirjamlik beradi", - dedi Ter Shtegen Barca Universal nashriga.

Ispaniya chempionatining yangi mavsumida “Barselona” 4 o'yinda 10 ochko to'pladi va uchinchi o'rinda bormoqda.