Kataloniyaning "Barselona" klubi ikki nafar kuchli yarim himoyachiga qiziqish bildirmoqda. Mundo Deportivo xabariga ko'ra, jamoa Bernardu Silva ("Manchester Siti") va Dani Olmoni ("RB Leyptsig") ko'rib chiqmoqda.

Jurnalistlarning yozishicha, Ispaniya chempioni kelasi yili yuqorida tilga olingan futbolchilardan biri bilan shartnoma imzolashga tayyor. Olmoning transfer qiymati 40 million evroga baholanmoqda, Silvaniki esa ikki barobar ko'p 80 million.

"Barselona" o'tgan mavsumda La Liga chempioniga aylandi. Yangi turnirda Xavi Ernandes shogirdlari to'rt turdan keyin uchinchi o'rinda bormoqda.