"Barselona" bosh murabbiyi Xavi Ernandes jamoasining Chempionlar ligasidagi o'yini haqida o'z fikrlari bilan o'rtoqlashdi.

Eslatib o'tamiz, Kataloniya jamoasi guruh bosqichida "Antverpen", "Portu" va "Shaxtyor" (Donetsk) kabi jamoalar bilan to'qnash keladi.

"Chempionlar ligasida keyingi qadamni tashlash vaqti keldi. Futbolchilar guruh bosqichiga katta ishtiyoq bilan yaqinlashmoqda, ammo biz xotirjamlikka yo'l qo'ymasligimiz kerak. O'z xarakterimizni ko'rsatishimiz kerak", - dedi Xavi matbuot anjumanida.

Eslatib o'tamiz, “Barselona” Chempionlar ligasining oldingi ikkita mavsumida guruhdan chiqa olmagandi.