Belgiyaning "Antverpen" klubi o'zining yarim himoyachisi Artur Vermeerenni qancha mablag' evaziga qo'yib yuborishga tayyorligi ma'lum bo'ldi.

Mish-mishlarga qaraganda, Belgiya klubi 18 yoshli Vermeerenni 15 million evro evaziga "Barselona"ga qo'yib yuborishi mumkin. Bundan tashqari, manbaga ko'ra, "Antverpen" yarim himoyachining keyingi sotuvidan 50 foiz olmoqchi.

Qayd etilishicha, "ko'k-anorranglilar" futbolchi uchun bu summani to'lashga hali tayyor emas, shu bois ular muqobil variantlarni izlamoqda.

Joriy mavsumda Vermeeren barcha turnirlarni hisobga olgan holda o'nta o'yinda qatnashib, bitta golli uzatmani amalga oshirdi.