"PSJ" prezidenti Nosir Al-Xelayfi klub hujumchi Robert Levandovskini qachonlardir sotib olishga yaqin kelganmi yoki yo'qmi degan savolga javob berdi.

"Boshqa klub futbolchilari, shuningdek, amalga oshishi mumkin bo'lgan transferlar haqida gapirmaslikni afzal ko'raman. Ammo Robert fenomenal hujumchi ekanligi hech kimga sir emas. Dunyoning har bir klubi unga qarar edi va qaysidir bosqichda uni qo'lga kiritish haqida o'ylardi. Bugun u "Barselona"da va men buni hurmat qilaman. Polshaliklar u bilan faxrlanishi kerak. Deyarli har bir uchrashuvda gol urgan bunday to'purarlar unchalik ko'p bo'lmagan. Robert - gol urish mashinasi va ajoyib yigit", - dedi Al-Xelayfi Polshaning Meczyki nashriga bergan intervyusida.