"Atletiko Madrid" bosh murabbiyi Diego Simeone "Barselona" darvozaboni Mark-Andre ter Shtegen haqida gapirdi.

"Men har doim Ter Shtegen oyoqda La Liga jamoasining istalgan o'yinchisidan yaxshiroq o'ynay olishini aytganman" - dedi Simeone "Barselona" haqidagi Prime Video hujjatli filmida.

Joriy mavsumda 31 yoshli darvozabon barcha turnirlarni hisobga olgan holda to'qqizta o'yin o'tkazib, sakkizta gol o'tkazib yubordi va besh marta o'z darvozasi daxlsizligini saqlab qola oldi.

Sakkiz turdan keyin “Barselona” Ispaniya chempionati turnir jadvalida peshqadam “Real Madrid”dan atigi bir ochko ortda qolib, ikkinchi o'rinni egallab turibdi.