"Barselona"ning sobiq sport direktori Mateu Alemani Kataloniya klubini tark etib, "Atletiko Madrid"ga o'tishga juda yaqin turibdi.

Ma'lum qilinishicha, Alemanining tayinlanishi amaldagi sport direktori Andrea Bertaning iste'fosiga olib kelmaydi. Mundo Deportivo xabariga ko'ra, Mateu "matraschilar" ierarxiyasida amaldagi sport direktori va bosh direktor Gil Marindan pastroq o'rinlarni egallaydi.

Eslatib o'tamiz, Alemani 2021 yildan 2023 yilgacha "Barselona"ning sport direktori lavozimida ishlagan.