"Inter Mayami" hujumchisi Lionel Messiga "Barselona"ga o'tishga ruxsat beriladi.

Argentinalik futbolchining jamoasi MLS pley-off bosqichiga chiqa olmadi, shuning uchun turli manbalar muntazam ravishda xabar berib turganidek, futbolchi qishda ijaraga berilishi mumkin. Sport.es nashrining yangilangan ma'lumotlariga ko'ra, "Inter Mayami" Messining "Barselona"ga ijaraga o'tishiga to'sqinlik qilmaydi.

Agar 36 yoshli futbolchining o'zi vaqtinchalik Kataloniyaga qaytishni istasa, klub "ko'k-anorranglilar" bilan muzokara olib boradi.

Lionel Messining "Inter Mayami" bilan shartnomasi 2025 yil oxirigacha amal qiladi. Forvard Amerika jamoasi safida 13 ta uchrashuvda 11 ta gol urdi va 5 ta golli uzatmani amalga oshirdi.