"Antverpen" yarim himoyachisi Artur Vermiren yaqinda Leandro Trossard jarohat olgani sababli Belgiya terma jamoasiga chaqiruv oldi. Bu futbolchi Angliyaning uchta top-klubi nishonida turibdi.

90min nashri xabariga ko'ra, 18 yoshli futbolchiga "Manchester Siti", "Arsenal" va "Tottenxem" klublari qiziqish bildirmoqda.

Artur Vermiren "Antverpen" klubi bitiruvchisi. Transfermarkt portali belgiyalik futbolchini 17 million evroga baholamoqda.

Avvalroq, Vermirenga "Barselona" klubi qiziqish bildirayotgani haqida xabarlar tarqalgandi.

Hozirda “Tottenxem” va “Arsenal” APL turnir jadvalida peshqadamlik qilmoqda. “Manchester Siti” esa 2 ochko ortda qolgan holda uchinchi o'rinda bormoqda.