"Adana Demirspor" hujumchisi Mario Balotelli "Inter"dagi sobiq jamoadoshi Zlatan Ibrahimovichning tanqidlariga javob berdi.

Ibrahimovich avvalroq Balotellini tanqid qilib, 33 yoshli italiyalik futbolchi faoliyati davomida ega bo'lgan barcha imkoniyatlarni qo'ldan boy berganini aytgan edi. Bundan tashqari, shvetsiyalik sobiq futbolchi Mariodan ko'ra, "Milan»" hujumchisi Rafael Leuni afzal ko'rishini aytdi.

Bunga javoban Balotelli 2010 yilda "Inter"da g'alaba qozongan Chempionlar Ligasi kubogi bilan tushgan suratni internetga joyladi. O'sha mavsum oldidan faoliyati davomida hech qachon Chempionlar ligasida g'olib chiqmagan Ibrahimovich "Inter"dan "Barselona"ga o'tgandi.

"U hech qanday sababsiz menga ochiqchasiga hujum qilgani g'alati. Uning Leauni afzal ko'rishi meni qiziqtirmaydi, bu normal holat, lekin u ahmoqona gap aytdi.

Har bir imkoniyatdan unumli foydalana olmaganim yolg'on. Mening tajribam o'zi uchun gapiradi. Ibra har doim men yaxshiroq qilishim mumkinligini aytdi va u bu haqda haq edi. Men “Oltin to'p”ni qo'lga kiritishim mumkin edi, buni xotirjam aytishim mumkin.

Chempionlar ligasi kubogi bilan surat? Men unga muhim o'yinlarda o'ynaganimni ko'rsatmoqchi bo'ldim va u ulardan birida g'oyib bo'ldi. Milito, Eto'O va Sneyder o'ziga xos ish qilishib, "Inter"ga Ibrani sotish yordam berdi.

Ibra bilan o'ynash oson bo'lmagan, chunki u doim sizni sanchimoqchi bo'ladi. Men undan kuchliroq xarakterga egaman, shuning uchun men bundan hech qachon azob chekmaganman. U bilan siz doimo hamma narsani berasiz, u maydonda etakchi, lekin u hech qachon mening katta akam bo'lmagan, mening katta akam Materatstsi edi", - dedi Balotelli TV Play telekanalida.