"Barselona" futbolchilari Lamin Yamal va Aleks Balde "Atletik"ka qarshi o'ynashi mumkin, deb xabar berdi "Mundo Deportivo". Ushbu o'yin 22 oktyabr kuni La Liganing 10-turi doirasida bo'lib o'tadi.

Lamin Yamal "Granada"ga qarshi 9-tur uchrashuvida jarohat olgandi. Aleks Balde esa Ispaniya terma jamoasi o'yinida shikastlangandi. "Barselona"ning baxtiga ularning tiklanishi uzoq davom etmadi.

Biroq "ko'k-anorranglilar" lazareti hamon jarohatdagilar bilan gavjum. Ular orasida Frenki de Yong, Rafinya, Robert Levandovski va Jyul Kunde bor, Pedri esa endigina tiklanish davriga yaqinlashmoqda.