«Barselona» hujumchisi Joau Feliks Chempionlar ligasi guruh bosqichi doirasida «Shaxtyor»ga (2:1) qarshi o'yinda jarohat olganidan keyin o'zining holati haqida gapirdi.

«Men yaxshiman, bu shunchaki kichik zarba bo'ldi. Men navbatdagi o'yinga hozirdanoq tayyorgarlik ko'ryapman», - deya portugaliyalikning so'zlarini keltiradi jurnalist Fabritsio Romano ijtimoiy tarmoqda.

Eslatib o'tamiz, keyingi turda «ko'k-anorranglilar» o'z maydonida «Real»ga qarshi bahs olib boradi. O'yin 28-oktyabr, shanba kuni bo'lib o'tadi.