"Barselona" kelasi mavsumdan vinger Lamin Yamalni o'ninchi raqam ostida o'ynatmoqchi.

Seshanba kuni klub 17 yoshli futbolchi bilan shartnomani uzaytirganini e'lon qildi - yangi kelishuv 2031 yilning yarmigacha mo'ljallangan. Shuningdek, "Barsa" Yamalga hozirda Ansu Fati o'ynayotgan 10-raqamni taklif qilgan.

"Ansu klubda ekan, men hatto o'ninchi raqam haqida o'ylamayman. U mening do'stim," - deya 19-raqamda o'ynayotgan Yamalning javobini keltiradi El Pais.

Aniq ma'lumotlarga qaraganda, Ansu Fati "Monako"ga o'tishga yaqin turibdi, demak, Lamin baribir afsonaviy Lionel Messiga tegishli bo'lgan "o'nlik"ni oladigan ko'rinadi.