Jud Bellingem payshanba kuni "Real Madrid" bilan mashg'ulot o'tkazmadi. "Braga"ga qarshi Chempionlar ligasi o'yinida olgan jarohatidan so'ng, madridliklar yarim himoyachisi individual dastur bo'yicha shug'ullandi.

Bellingem ijobiy fikrda u o'zining debyut klasikoda qatnasha olishiga ishonadi.

"Men el-klasikoda o'ynayman", - deya Bellingem so'zlarini keltirmoqda Marca.

Jud Bellingem "Real" safida 12 ta o'yin o'tkazgan. Ularda yarim himoyachi 11 ta gol urdi va sheriklariga 3 ta samarali uzatmani amalga oshirdi.

"Barselona" va "Real" o'rtasidagi La Liga uchrashuvi 28 oktyabr, shanba kuni bo'lib o'tadi.