"Real Madrid" murabbiylar shtabi bugun bo'lib o'tadigan "El-Klasiko"ga tayyorgarlik ko'rishda "Barselona" yarim himoyachisi Fermin Lopesga katta e'tibor qaratdi.

Marca nashri xabariga ko'ra, "Real Madrid" Lopesni mubolag'asiz, "Barselona"ning asosiy o'yinchisi deb biladi. Shu boisdan ham “qirollik klubi” futbolchilari bugun Ferminni zararsizlantirish uchun barcha imkoniyatlarni ishga soladi.

Joriy mavsumda Lopes Ispaniya La Ligasida “Barselona” safida beshta o'yin o'tkazib, bitta gol urdi. Ushbu mavsumda 20 yoshli yarim himoyachi uchun Ispaniya chempionatidagi debyuti bo'ldi.