«Barselona» joriy mavsumda o'z oldiga qo'yilgan vazifani uddalay olmasa, bosh murabbiy Xavi iste'foga chiqarilishi mumkin. Agar mutaxassis ishdan bo'shatilsa, uning o'rnini Rafael Markes egallaydi. Bu murabbiy ayni paytda "Barsa"ning ikkinchi jamoasini boshqarmoqda. "Ko'k-anorranglilar" va Meksika terma jamoasining sobiq futbolchisi "Barselona"ni boshqarish uchun favorit hisoblanadi. "El Chiringuito TV" jurnalisti Xose Alvares xabar berishicha, Markesning ishi klub direktorlar kengashiga yoqmoqda.«Barsa» La liganing joriy mavsumida 3-o'rinda bormoqda. Klub peshqadam «Jirona»dan 4 ochko ortda qolmoqda.