Turkiya OAVda yarim himoyachi Ilkay Gyundoganning «Galatasaroy»ga o'tishi borasida muzokaralar olib borilayotgani haqida ma'lumot paydo bo'ldi. 33 yoshli futbolchining ukasi Ilhan Gyundogan bu borada fikr bildirdi.

«Matbuot xabarlari haqiqatni aks ettirmaydi. «Bavariya»ga qarshi o'yin oldidan «Galatasaroy»dan hech kim bilan uchrashib, Ilkay haqida gaplashmadim.

Hech qanday uchrashuv yoki boshqa narsa bo'lmadi. Men buni aniq aytmoqchiman. Bu xabar qaerdan kelganini men ham, Ilkay ham tushuna olmayapmiz. Ilkay bor e'tiborini «Barselona»ga qaratgan», - dedi Ilhan.