Yarim himoyachi Ilkay Gyundogan yaqin kunlarda Kataloniyaning “Barselona” klubini tark etishi mumkin. Todofichajes jurnalistlarining fikriga ko'ra, futbolchi jamoadagi o'z pozitsiyasidan to'liq qoniqmayapti va shuning uchun boshqa variantlarni ko'rib chiqishga tayyor.

Manbaning xabar berishicha, Gyundoganga Turkiya chempionatidan taklif bor. 33 yoshli germaniyalik yarim himoyachi xizmatlariga Istanbulning “Galatasaroy” klubi qiziqish bildirmoqda.

Ilkay o'tgan yozda erkin agent sifatida "Barselona"ga o'tgan edi. Yarim himoyachi "ko'k-anorranglilar" bilan ikki yillik mehnat shartnomasiga imzo chekdi. Uning narxi 20 million evroga baholanmoqda.