"Barselona" bosh murabbiyi Xavi Ernandes tizzasidagi jarohati sababli mavsumning qolgan qismini o'tkazib yuborishi mumkin bo'lgan yarim himoyachi Gavi o'rniga nomzodlar ro'yxatini tuzdi.

Jurnalist Jerar Romeroning yozishicha, murabbiyning qisqa ro'yxatidan "Vilyarreal" futbolchisi Dani Parexo, "Liverpul" yarim himoyachisi Tyago Alkantara va "Betis" a'zosi Gvido Rodriges kabi futbolchilar bor.

Shu bilan birga, "Barselona" rahbariyati jamoa hozirda ro'yxatda bo'lgan futbolchilar bilan mavsum oxirigacha bardosh bera oladi, deb hisoblamoqda. Eslatib o'tamiz, "ko'k-anorranglilar" La Liga turnir jadvalida 3-o'rinda bormoqda.