"Barselona" yarim himoyachisi Pedri jamoadoshi va do'sti Gavining jarohati haqida gapirdi.

Pedrining o'zi ham jarohat tufayli mavsum boshida taxminan ikki oyni o'tkazib yubordi.

"Men Gaviga har tomonlama dalda berdim, chunki jarohat olish nima ekanligini o'zim ham bilaman, garchi mening jarohatlarim unchalik jiddiy bo'lmasa ham. Men o'ynash imkoniyati bo'lmagan futbolchi uchun qanday og'ir bo'lishini bilaman.

Gavisiz "Barselona" ko'p fazilatlarini yo'qotadi - biz uning qat'iyatini, klubga bo'lgan muhabbatini sog'inamiz", - dedi Pedri "Diario Sport" nashriga bergan intervyusida.