Kataloniyaning «Barselona» klubi darvozaboni Mark-Andre ter Shtegen Chempionlar ligasi guruh bosqichining «Portu»ga qarshi o'yinida jamoasiga yordam berish uchun qo'lidan kelgan barcha ishni qildi.

Sport nashri xabariga ko'ra, nemis futbolchisi bugun ertalabgacha umidini yo'qotmagandi, ammo beldagi muammolar darvozabonga o'yinda ishtirok etishga imkon bermaydi.

Qayd etilishicha, Ter Shtegen bor e'tiborini kelasi dam olish kunlari bo'lib o'tadigan «Atletiko»ga qarshi o'yinga qaratgan.

Agar jamoa g'alaba qozonsa, «Barselona» Ispaniya chempionati turnir jadvalida uchinchi o'rinni qaytarib olishi mumkin bo'ladi.