"Nyukasl" "Manchester Siti" yarim himoyachisi Kelvin Fillipsni qo'lga kiritish uchun kurashda etakchi.

28 yoshli futbolchining vakillari "shaharliklar" rahbariyati bilan vaziyatni muhokama qilib, yanvar oyidagi transfer oynasida yarim himoyachi uchun yangi klub topish niyatini bildirishdi, deya xabar bermoqda jurnalist Ed Aarons. Manbaga ko'ra, ayni damda "Nyukasl" Fillipsni qo'lga kiritish uchun kurashda peshqadamlik qilmoqda. Eslatib o'tamiz, angliyalik futbolchiga “Yuventus” va “Manchester Yunayted” ham da'vogarlar qatorida edi.

Kelvin Fillips joriy mavsumda “Manchester Siti”ning o'nta o'yinida ishtirok etdi va bor yo'g'i ikki bor asosiy tarkibda maydonga tushdi.