Kataloniyaning "Barselona" klubi "River Pleyt"ning 17 yoshli hujumchisi Klaudio Echeverrining transferini hozircha amalga oshira olmayapti.

Jurnalist Fabritsio Romano bergan ma'lumotlarga ko'ra, moliyaviy feyr-pley qoidalari "ko'k anorranglilar"ga argentinalik futbolchining transferi uchun futbolchining shartnomasida tovon puli sifatida ko'rsatilgan 25 million evro sarflashiga yo'l qo'ymaydi.

Oldinroq Echeverri "River Pleyt" bilan shartnomani uzaytirish niyati yo'qligini ma'lum qilgandi. Futbolchining Argentina klubi bilan amaldagi shartnomasi 2024 yilning dekabrida yakuniga etadi.