"Manchester Siti" yarim himoyachisi Bernardu Silva portugaliyalik jamoadoshi Joau Feliksning vaziyatidan juda mamnun.

Eslatib o'tamiz, hujumchi yozda "Atletiko Madrid"dan ijara asosida "Barselona" bilan shartnoma imzolagan edi.

"Men hozir Feliks uchun juda xursandman, chunki u nihoyat o'zining o'yin uslubiga mos keladigan jamoada o'ynamoqda. U "Barselona"da o'zini qulay his qilmoqda", - dedi Silva Managing Barca bilan suhbatda.

Bernardu Silva uzoq vaqt davomida "Barselona"ning asosiy transfer maqsadlaridan biri bo'lib kelgan. Biroq kataloniyaliklar yuqori narx tufayli portugaliyalik bilan haligacha shartnoma imzolay olishmadi.