«Barselona» bosh murabbiyi Xavi uning qo'l ostida ikki yil ichida jamoa qanday o'zgargani haqida gapirdi.

Xabaringiz bor, Xavi «Barselona»ni 2021 yilning noyabrida qabul qilgan.

«O'ylaymanki, ko'p narsa ijobiy tomonga o'zgardi. Men tushunamanki, atrof-muhitdagi umidlar juda yuqori va mukammallikka intiladi. Biz davomiylikni topishimiz kerak.

O'ylaymanki, jamoa ancha yaxshi, pozitsionroq o'ynay boshladi. Umuman olganda, balans ijobiy. Biz asta-sekin yaxshiroq o'ynayapmiz va umid qilamanki, biz izlayotgan mukammallikka erishamiz», dedi Xavi matbuot anjumanida.

11 yanvar, payshanba kuni «Barselona» Ispaniya Superkubogi yarim finalida «Osasuny»ga qarshi o'yin o'tkazadi.