"Barselona" vingeri Rafinya Dias "Osasuna"ga qarshi o'yinda jarohat oldi.

Braziliyalik futbolchi Ispaniya Superkubogi yarim finalida “Osasuna”ga qarshi kechgan va kataloniyaliklarning 2:0 hisobidagi g'alabasi bilan yakunlangan o'yinning 42-daqiqasida almashtirildi.

Jurnalist Toni Xuanmartining so'zlariga ko'ra, dastlabki prognozlarga ko'ra, Rafinya 14 yanvarga belgilangan "Real"ga qarshi final o'yinida o'z vaqtida tiklanishga ulgurmasligi mumkin.

27 yoshli futbolchi sonidan jarohat olgan. Rafinya joriy mavsum “Barselona” safida 19 ta o'yinda maydonga tushib, 4 ta gol va 7 ta golli uzatmaga mualliflik qilgan.