"Real"ning italiyalik bosh murabbiyi Karlo Anchelotti "Barselona" bosh murabbiyi Xavi Ernandesning faoliyati haqida fikr bildirdi.

“Xavi o'z ishini yaxshi bajaradi. Albatta, u hali yosh bo'lgani uchun men kabi tajribaga ega emas. Ammo uning faoliyati juda yaxshi, u dunyoning eng yaxshi yarim himoyachilaridan biri edi", - deya Anchelottining so'zlarini keltirmoqda Madrid Universal.

43 yoshli Xavi 2021 yilning noyabr oyidan buyon «Barselona»ni boshqarib kelmoqda. Bu vaqt ichida “ko'k anorranglilar” Ispaniya chempioni bo'lishdi va mamlakat Superkubogini qo'lga kiritishdi. 14 yanvar kuni Ispaniya Superkubogi uchun "Real" va "Barselona" o'zaro to'qnash keladi.