Madridning "Real" klubi va Ispaniya terma jamoasi sobiq darvozaboni Iker Kasilyas kecha Londonda bo'lib o'tgan The Best FIFA Football Awards 2023 yakunlari haqida tanqidiy fikr bildirdi.

"Siz yaxshi mukofotlar yaratasiz va ularni olyapsiz, shu bilan adolatsizlik qilyapsiz. Bularning barchasi ko'proq "Tabassum" marosimiga o'xshaydi. Nima bo'lgan taqdirda ham, hammaga xayrli tun!" - deb post qoldirdi Kasilyas ijtimoiy tarmoqda.

Eslatib o'tamiz, FIFA talqini bo'yicha 2023 yilning eng yaxshi futbolchisi Argentina terma jamoasi va “Inter Mayami” hujumchisi Lionel Messi bo'ldi. Eng yaxshi murabbiy "Barselona"ning sobiq bosh murabbiyi, hozirda "Manchester Siti"ni boshqarayotgan Pep Gvardiola deb topildi. FIFA talqiniga ko'ra, o'tgan yilning eng yaxshi ayol futbolchisi "Barselona" vakili Aytana Bonmati bo'ldi.

Eslatib o'tamiz, Messi “Manchester Siti” hujumchisi Erling Xoland bilan bir xil ochko jamg'argan bo'lsa-da, bu sovrinni terma jamoa sardorlarining ko'proq ovozi evaziga olgandi.