Turinning "Yuventus" klubi "Yurgorden"ning 17 yoshli yarim himoyachisi Lukas Bergvall uchun navbatdagi da'vogarga aylandi.

Mundo Deportivo nashri xabariga ko'ra, "keksa sinora" iqtidorli yarim himoyachi uchun "Barselona" bilan raqobatlashishga tayyor. "Yurgorden" Bergvall uchun 10 million evro tovon puli talab qilmoqda.

Shvetsiya klubining talablariga eng yaqini Frankfurtning "Ayntraxt" klubi bo'lib, u 8,5 million taklif qilgan, biroq rad javobini olgan. Lukasning o'zi ham "Barselona"da o'ynashni xohlaydi, ammo moliyaviy inqiroz sharoitida Kataloniya klubi shved uchun pul ajratadimi yoki yo'qmi hali noma'lum.

2023 yilda Bergvall Shvetsiya chempionatida 25 ta o'yin o'tkazib, ikkita gol va bir golli uzatmani amalga oshirdi.