"Barselona" hujumchisi Robert Levandovski Kataloniya jamoasining joriy mavsumdagi imkoniyatlariga baho berdi.

“Gol urish hech qachon oson emas. Men yosh futbolchilar ko'p bo'lgan jamoada o'ynayman. "Barselona"da o'zimni ajoyib his qilyapman. O'tgan yili biz La Liga va Superkubokni qo'lga kiritdik va men chempionatning eng yaxshi to'purari bo'ldim. Bu mavsum ham juda muhim, bizga g'alabalar kerak. Ishonchim komilki, biz bu kampaniyada nimadir yutamiz", - deya Levandovski so'zlarini keltirmoqda Mundo Deportivo.

20 turdan so'ng "Barselona" Ispaniya chempionati turnir jadvalida 44 ochko bilan to'rtinchi o'rinni egallab turibdi. Jamoa peshqadam “Jirona”dan 8 ochko ortda qolmoqda.