"Barselona" himoyachilari Andreas Kristensen va Joau Kanseluning qaytishi mumkin bo'lgan sana ma'lum bo'ldi. Jurnalist Aleks Pintanel xabariga ko'ra, ikkala futbolchi ham "Barselona" kubok doirasidagi "Atletik"ga qarshi o'yinda ishtirok etishi mumkin.

Ammo, manbaga ko'ra, futbolchilar borasida yakuniy qaror ertaga, o'yin boshlanishiga bir kun qolganda qabul qilinadi. Joriy mavsumda Kristensen barcha musobaqalarda 23 ta o'yinda maydonga tushdi va bitta golli uzatmani amalga oshirdi.

Kanselu maydonda 22 ta o'yinda maydonga tushib, 3 ta gol urgan va 2 ta golli uzatmani amalga oshirgan. "Atletik" va "Barselona" o'rtasidagi Ispaniya kubogi chorak final uchrashuvi 24 yanvar kuni bo'lib o'tadi.