"Beshiktosh" rahbariyati "Barselona" yarim himoyachisi Oriol Romeuni transfer qilishni rejalashtirmoqda.

Jurnalist Serjan Dikme xabariga ko'ra, "qora-oqlar" "ko'k-anorranglilar" futbolchisi uchun rasmiy taklif bilan chiqishgan.

Qayd etilishicha, futbolchining o'zi Kataloniya klubida o'yin tajribasi yo'qligi sababli Turkiyaga ko'chib o'tishga tayyor.

Romeu 2023 yilning yozida "Jirona"dan "Barselona"ga o'tgan edi. Joriy mavsumda himoyachi barcha musobaqalarda 21 ta o'yin o'tkazib, bitta golli uzatmani amalga oshirdi.

Transfermarkt portali "Barselona"ning 32 yoshli yarim himoyachisining narxini uch million evroga baholamoqda.