Chorshanba kuni "Barselona" safarda "Atletik" (Bilbao)ga imkoniyatni boy berdi. Natijada Xavi shogirdlari Ispaniya kubogidan chiqib ketishdi.

"Ko'k-anorranglilar"ning yosh futbolchisi Lamin Yamal so'nggi o'yinda bir qator imkoniyatlarni yo'qqa chiqardi va buning uchun uzr so'radi.

Shunga qaramay, futbolchi ijtimoiy tarmoqlarda haqoratlarga duch keldi.

Jurnalist Martin Minan ta'kidlaganidek, ularning aksariyati irqchilikka asoslangandir.

"Barselona" navbatdagi o'yinini 27 yanvar, shanba kuni o'tkazadi. Xavi shogirdlari Ispaniya chempionatida "Vilyarreal"ni qabul qiladi. Kataloniyaliklar ayni damda La Liga turnir jadvalida uchinchi o'rinni egallab turibdi.