Aleks Balde jarohati sabab mavsumning qolgan qismida maydonga tusha olmaydi.

"Barselona" himoyachisi "Atletik" bilan Ispaniya kubogi (2:4) o'yinida tizzasidan jarohat oldi va 23-daqiqada uning o'rnini Ektor Fort egalladi.

Qo'shimcha tekshiruvlar klubning eng dahshatli qo'rquvini tasdiqladi: futbolchiga femoris bitseps tendonidan jarohat olgani tashxisi qo'yildi, deb xabar bermoqda TV3 telekanali. Balde yaqin kunlarda operatsiya qilinishi kutilmoqda, buning uchun uning agenti Jorje Mendesh roziligi kerak.

Bunday jarohatlar uchun minimal tiklanish muddati - 4 oy.

Balde La Liganing ushbu mavsumida 18 ta o'yin o'tkazdi.