"Barselona"ning sobiq skauti va Iroq terma jamoasining hozirgi bosh murabbiyi Xesus Kasas Xavi Ernandesga qilinayotgan bosimni adolatsiz deb hisoblaydi.

“Menimcha, Xaviga nisbatan adolatsizlik qilinmoqda. Moliyaviy qiyinchiliklar va tarkibdagi yosh futbolchilarning ko'pligini hisobga olishimiz kerak. Lamin Yamal, Fermin Lopes, Pedri, Alexandro Balde kabi yigitlarga sabr qilishimiz kerak. Bir-ikki mavsum sovrinlarsiz o'tishga to'g'ri kelsa ham, ularga ishonish kerak", — deb Kasas so'zlarini keltirmoqda Barca Times.

"Ko'k-anorranglilar"ning amaldagi bosh murabbiyi Xavi, ko'plab mish-mishlarga ko'ra, joriy mavsumdagi muvaffaqiyatsiz natijalari tufayli iste'foga chiqarilishi mumkin.