"Barselona" yarim himoyachisi Arturo Vidal jamoadagi hozirgi holatidan qoniqish hosil qilmayapti.

"Treblga erishish uchun "Barselona" o'z o'yinining bir nechta jihatlarini takomillashtirishi kerak. Ushbu mavsumda 3ta sovrin yutishni istasak, jamoa maksimum kuch bilan harakat qilishi lozim.

Bir nechta o'yinlarda ishtirok etmadim va bu meni xafa qiladi. Vaziyatga xolis nazar tashlash zarur. Agar dekabrda yoki mavsum so'ngida jamoaning muhim o'yinchisi ekanimni his qilmasam, boshqa jamoaga o'tish haqida qaror qabul qilishimga to'g'ri keladi", – dedi Vidal.

Ma'lumot o'rnida. Chililik futbolchi ushbu mavsumda "Barsa" safida 13ta o'yinda maydonga tushdi (aksariyat hollarda — zaxiradan) va 4ta gol urdi.Faqat Messi, Suares va Grizmann unga nisbatan ko'proq to'p kiritishgan.