"Marsel" bosh murabbiyi Andre Villash-Boash "Oltin to'p" uchun kurash "Barselona" hujumchisi Lionel Messi va "Yuventus" hujumchisi Krishtianu Ronaldu o'rtasida kechishi haqida gapirdi.
"Bu oson emas... Men portugalman, shuning uchun Ronalduni ko'proq qo'llab-quvvatlayman. Krishtianu ko'p sovrinlar yutgan dunyoning eng yaxshi jamoasini tark etgani bilan katta tavakkal qildi. Bunday harakatni qadrlash kerak. Italiyada o'ynash va gol urish qiyin.

Messi hali ham o'z klubida - "Barselona"da. Bu katta klub va u jamoa uchun ko'p narsani hal qilishga qodir. Ammo, men Krishtianu tarafdoriman. Ularning ikkalasi ham muhim futbolchilar va ulardan birini tanlash qiyin. "Oltin to'p" uchun ular o'rtasida raqobat bo'ladi. Ajablanarlisi shundaki, ular bir davrda etishib chiqqani va biz ularni tomosha qila olishimiz mumkin. Ular o'zga sayyoraliklardir", - deydi Villash-Boash.