Kataloniyaning “Barselona” klubi prezidenti Joan Laporta mavsum yakunlanganidan keyin Xavi Ernandesning jamoa bosh murabbiyi lavozimini tark etish qarori haqida gapirdi.

"Xavi agar o'zi jamoadan ketsa jamoa uchun yaxshiroq bo'lishini aytdi. Men uning qarorini qabul qildim.

Lekin men uni iste'foga chiqarish haqida o'ylamagandim. Garchi bu mavsumda hammasi biz kutgandek bo'lmagan ersa-da", - dedi Laporta.

Ernandes 2021 yilning noyabridan beri Kataloniya grandi bosh murabbiyi hisoblanadi. Tomonlar o'rtasidagi amaldagi shartnoma kelasi yil yakuniga etadi. Oxirgi bahsda "ko'k-anorranglilar" “Osasuna”ni 1:0 hisobida mag'lub etishdi.