Shanba kuni Ispaniya chempionatida ayni damda turnir jadvalida birinchi va ikkinchi o'rinlarni egallab turgan "Real Madrid" va "Jirona" klublari o'zaro kuch sinashadi.

“Real Sosedad”ga qarshi so'nggi o'yinda (0:0) Kataloniya jamoasi bosh murabbiyi Michel hakamning qaroridan noroziligi uchun qizil kartochka oldi.

Endilikda "Jirona" bosh murabbiyi ikki o'yinga diskvalifikatsiya qilindi, deya xabar beradi Spanish Sport.

Shu tariqa, Michel Ispaniya chempionati doirasidagi "Real" (10-fevral) va "Atletik" (19-fevral)ga qarshi o'yinlarni o'tkazib yuboradi.

Qo'shimcha qilib o'tamiz, ayni damda “Jirona”da 56, “Real”da esa 58 ochko bor.