Huquqlari "Barselona"ga tegishli bo'lgan daniyalik himoyachi Andreas Kristensen "Tumanli Albion"ga qaytishi mumkin. Bu haqda jurnalist Ekrem Konur o'zining ijtimoiy tarmoqlarida xabar bermoqda.

Insayder xabariga ko'ra, "Manchester Yunayted" 27 yoshli futbolchini o'z safiga qo'shib olmoqchi. Mankunianliklar yozgi transfer oynasida Andreasning transferini rasmiylashtirishni istamoqda. Himoyachi bo'yicha kurashda "Manchester Yunayted"ning raqibi "Nyukasl" hisoblanadi.

Kristensen 2022 yilning yozidan beri “blaugrana” safida o'ynamoqda. Bungacha daniyalik Londonning “Chelsi” jamoasida o'ynagan. Joriy mavsumda himoyachi barcha turnirlarda 27 ta o'yin o'tkazib, golli uzatmani amalga oshirdi.