Frantsiyaning “PSJ” klubi yozda “Barselona” yarim himoyachisi Frenki de Yongni o'z safiga qo'shib olmoqchi. Sport.es nashri xabariga ko'ra, parijliklar futbolchi uchun 60 million evro to'lashga tayyor.

"Barselona" Frenki uchun ko'proq tovon puli so'rashi avvalroq xabar qilingandi. Yarim himoyachi 90-100 million evroga baholanmoqda, ammo "PSJ" bu summani to'lamoqchimi yoki yo'qmi hozircha ma'lum emas.

"Barselona" yaqinda De Yongga maoshi qisqartirilgan yangi shartnoma taklif qildi. Futbolchi rahbariyat shartlari bo'yicha yangi shartnoma imzolashni istamayapti. Uning maoshi yiliga 37,5 million evroni tashkil qiladi.