"Nitstsa"ning markaziy himoyachisi Jan-Kler Todibo "Barselona"ga qaytishga tayyormi yoki yo'qmi degan savolga javob berdi.

"Barselonaga qaytishmi? Nega yo'q? Bu klubdagi vaqtimdan afsuslanmayman. "Barselona" ajoyib tajriba bo'lishda davom etmoqda. Jerar Pike, Samuel Umtiti va Klemen Langledan ko'p narsalarni o'rgandim. Bu mening rivojlanishimga foyda keltirdi, chunki men eng yuqori darajaga chiqdim.

Men xohlagan o'yin daqiqalariga ega bo'lmadim, chunki men eng yaxshi futbolchilar bilan raqobatlashardim. Murabbiy bosim ostida qolgan Ernesto Valverde edi. U 19 yoshli tajribasiz yigitni maydonga tushirish uchun Pikeni zaxirada qoldira olmadi", - deya Todiboning so'zlarini keltiradi Canal Plus.

Ayni damda Todiboga Angliya Premer-ligasi klublari "Chelsi" va "Manchester Yunayted" qiziqish bildirmoqda.